Jangan suka pinjamkan laptop atau PC kamu arah orang lain.

Salam,

Hari ne ku kn kongsi sikit pasal sekuriti laptop tani. Laptop or Pc tani ani sekuriti nya randah, so orang mudah2 saja kn curi password tani. Kitani mungkin rasa secure pasal tani online n selalu memakai laptop o Pc tani sendiri. Tapi nda mustahil satu hari nanti ada tia kawan kamu meminjam sekajap o kamu minta formatkan laptop kamu di kadai. kalau orang yang berniat jahat pasti akan melakukan nya.

Ok. Cara dorang kan tahu atau mencek password tani ani sanang saja. Kanak2 pun bulih buat kalau ditunjukkan caranya. Caranya melalui browser Firefox tani. Selalu saja tani akan klik "Remember Password" kan tiap kali masukkan password. Contohnya Facebook. Orang yang berniat jahat kn curi password kamu mudah2 saja melalui cara ani.

1. Aga ke Firefox setting.

2. Takan arah "Security", dan takan arah "Saved Password".

3. Segala website yang kamu pernah remember password akan nampak sama username lagi.

4. Sekarang takan arah show passwords. Jeng..Jeng..Jeng..

Nah kan catu tah cara orang mencek password kamu tu. Aku bukan mengajar ne a tapi mengingatkan saja terpulang arah orang mengambilnya. Kalau diambil baik jadi ilmu, kalau orang ambil untuk niat jahat tanggung lah sendiri.

Ok. Jangan suka2 saja kn bagi pinjam laptop o pc kamu arah org lain.